點解 call 左車等咁耐都未有司機覆既？

首先要知道你係咩年代既人先，如果屬於六十年代或以前，我相信你應該會經歷過打電話上的士台，2字頭，3字頭果種，再俾call車費$5蚊雞。如果你係七十後，大概你call既的士台都係5字頭，6字頭，9字頭等既手提號碼，免call車費，兼且有八五折。

首先講 call 2字頭，3字頭果種先，你多數會聽到一把女聲，大概都係一D所謂 call 台小姐「台姐」，然後佢會透過無線電對講機（黑色一大舊每部的士都有）。假設個call台有200部的士都裝左，咁台姐一叫支order，就200個有開到無線電機既司機都會聽到。如果有司機聽到order合適佢又接到的話，就會應機，然後報上車牌俾台姐，台姐然後向司機交代乘客上車位置，然後向乘客交代的士司機車牌和到達時間。整個過程都好簡單，無咩政治成份，台姐也好直接做到佢要做既份內事。如果有司機接的話，乘客一般會一兩分鐘之內得到回覆有無司機接。 可是，call車台傳統 “唔做” 折扣，所以稍為長途的 order，乘客都唔會用 call 台 call 車。變相，call 台 order 一般不太吸引，或者係短途，對於司機的吸引力好細，好多進取的司機都好少開 call 台機（大台）接order。結果就是，聽大台既司機越來越少。有可能既情況就係，請客 call 上 call 台落一支短途 order，台姐放出呢支order，其實得三五十個司機聽到，而且無司機願意接，台姐兩三分鐘後都收不到回應，然後就會話俾乘客知「無車」，call 車過程就此完畢。隨著折扣車，折扣黨，call 車app等出現，呢種call台已經漸漸式微，好少乘客call，好少司機加入。

講下如果你call 5字頭，6字頭，9字頭等既手提號碼call的士，一般都係卡片上司機既號碼。你call呢種number，其實你係call緊一個 agent，同你分派order既的士司機。接你電話的司機，好多情況之下，都係接唔到你的，因為唔對位置。實際情況是，你一打上去 call 車 number，一般都係一個司機接聽，然後叫你等等。呢個時候，該司機一般都無咁Q響你附近接你的，還要考慮你既order靚唔靚。此時候，司機會透過幾種工具，打電話，對講機，行內apps 等，將你既order放出去，搵其他司機接。如果你call左車，等左好耐都未司機打番俾你，咁你就會奇怪點解。假設你支order係尖沙嘴去旺角，咁樣好容易理解，你call緊85折，又咁鬼近，真係搵鬼接，無人覆你或接你真係好容易理解。

但係吊詭就係，如果你係午夜十二點 call 車 屯門去中環，嘩，靚order喇掛，點解call左成十分鐘都無司機覆？科技咁發達，我望落街又成堆紅的，咁點解咁耐都未有司機覆？謎團就等我呢個行內人話你知。頭先講過，乘客 call 八五折的士 number，其實係 call 緊一位 agent（代理）。Agent 係地一手知道你呢支order，他有最大權力處理呢支order，例如選擇自己做，選擇搵司機做，而且選擇俾邊個司機做又得，又或者由於司機來電繁忙，你支order已被遺忘，或者過左幾分鐘才處理，總之，有千千萬萬種可能性。的士行業係 politcal 的，羅番支 午夜屯門去中環 這類係絕對既靚 order （何謂靚order？我會再另一個 topic 詳細解釋），因為午夜時分新界住宅區域很少會出市區了，相反，是有好多紅的接住客回屯門的。午夜時分會有大量紅的空車響屯門，call 車既乘客好少。咁照計，係咪應該一call即有，總有一部空車響左近啊？對的，你真聰明，如果你直接搵到司機的話，真係好快會有司機接你的。但係由於你支 order 太靚了，你 call 既 agent 司機會有好多想頭的，如果咁Q佢接到你call既時候佢既卸客落點係屯門，位置依然在屯門公路深井段，但係你知order又咁珍貴播，佢呢個時候就會做立法會議員做既野，就係「拉布」，一直會話俾你知「得啦小姐，幫你搵緊車」，其實係該司機自己想做，所以對乘客製造一個「無咩車」既景象，為自己「覽」住支珍貴order。咁你call車後果10分鐘，其實就係司機「拉布」既時間。好肋，如果你有耐性，等他十分鐘時候打電話俾你，司機話俾你知「宜家繁忙時間，司機號碼要15分鐘左右先至黎到接你」。恭喜此位 call 車客，你既耐性非凡，因你由call車到上車用左25分鐘，又幫左果位司機從屯門打救出番市區。

頭先講過 的士order行業是 somehow political 的，你 call 支靚order，個 agent 如果唔係自己「覽」黎做，佢可能會用黎「賣帳」，招呼前輩，或者服服侍自己車隊。如果車隊唔夠大（可能只係得幾丁友），咁樣拉布事件又發生，乘客又要等…. 寂寞到夜深 …..

Call 車app 既誕生，杜絕左大部分 call 車等好耐先有司機覆呢個問題，因為 call 的 app 係乘客直接落order，系統直接搵司機的。好自然，屬於靚order就多司機搶黎做，自然快有車。不過，不過，不過，等我呢個行內人話你知，有D apps 會設計到乘客落 order 只有一少部分人睇先及接先，如果係靚order，該堆人未必響附近但係又想自己「覽」黎做的話，拉布事件也許會一樣發生，乘客會等好耐先有司機接到。

Call 車 apps 既設計會有好多目的和手段。乘客不盡知道各apps 的運作。舉一個例，TaxiGo.HK app 有個很好的做法就係：「空車優先接order」政策的。呢個人工智能方式就係確保接乘客order既司機係無客既「空車」，兼且乘客會知道司機既位置。空車的士一接到乘客order就會即刻撲過去接客，務求令乘客最短時間上到車！值得試下比較下！