Archive for category: Uncategorized

睇下以上幅大圖，你就會問：點解我成日響機場 call 的士都 call 唔到？或者要等好耐？ 作為一個司機同埋乘客，我可以答到你：呢個世界唔會有「無車」呢個概念的！ 自從2003年 SARS 市場經濟慘淡，香港的士業就開創左「八折的」呢個概念，用意在慘淡市況之中招攬生意。林林種種既「八折call車」number 應運而生。後來經濟好轉，的士咪錶加價等因素，約定促成，八折都太低水了，好少司機接，結果就只有八五折的。呢個係 call 車 default 價位，而且埋單有個計算方法，就係： 咪錶價既八五折+法定隧道（單程），青馬橋費（HK$30），免行李費，就係咁樣計算的。所以，如果你用 call 車 number call...

首先要知道你係咩年代既人先，如果屬於六十年代或以前，我相信你應該會經歷過打電話上的士台，2字頭，3字頭果種，再俾call車費$5蚊雞。如果你係七十後，大概你call既的士台都係5字頭，6字頭，9字頭等既手提號碼，免call車費，兼且有八五折。 首先講 call 2字頭，3字頭果種先，你多數會聽到一把女聲，大概都係一D所謂 call 台小姐「台姐」，然後佢會透過無線電對講機（黑色一大舊每部的士都有）。假設個call台有200部的士都裝左，咁台姐一叫支order，就200個有開到無線電機既司機都會聽到。如果有司機聽到order合適佢又接到的話，就會應機，然後報上車牌俾台姐，台姐然後向司機交代乘客上車位置，然後向乘客交代的士司機車牌和到達時間。整個過程都好簡單，無咩政治成份，台姐也好直接做到佢要做既份內事。如果有司機接的話，乘客一般會一兩分鐘之內得到回覆有無司機接。 可是，call車台傳統 “唔做” 折扣，所以稍為長途的 order，乘客都唔會用 call 台 call 車。變相，call 台 order 一般不太吸引，或者係短途，對於司機的吸引力好細，好多進取的司機都好少開 call 台機（大台）接order。結果就是，聽大台既司機越來越少。有可能既情況就係，請客...